5 снежня ў Дэпартамент міжнароднага вайсковага супрацоўніцтва Міністэрства абароны Беларусі выклікалі вайсковага аташэ пры Пасольстве Украіны ў Рэспубліцы Беларусь. Яму ўручылі ноту пратэсту ў сувязі з частымі парушэннямі ўкраінскім бокам мяжы ў паветранай прасторы, паведаміла Міністэрства абароны Беларусі.
Падставай паслужыла парушэнне 4 снежня 2021 году мяжы Рэспублікі Беларусь у паветранай прасторы ўкраінскім верталётам тыпу Мі-8 у раёне Новай Рудні. Вайсковаму аташэ заявілі, што «ўкраінскі бок пазбягае дыялогу для вырашэння спрэчных пытанняў як па лініі міжнароднага вайсковага супрацоўніцтва, так і кантролю над узбраеннямі, што вельмі трывожна».
Ва Украіне абвяргаюць парушэнне паветранай прасторы Беларусі ўкраінскім вайсковым верталётам. У Дзяржаўнай памежнай службе Украіны яшчэ ўчора зняпраўдзілі інфармацыю аб парушэнні паветранай прасторы Беларусі ўкраінскім верталётам.
ав/Свабода