У беларускай Акадэміі мастацтваў праходзіць кадравая чыстка. Пра гэта паведаміў тэлеграм-канал By_culture і пацвердзілі крыніцы Zerkalo.io.
Па інфармацыі By_culture, звольненыя 25 выкладчыкаў. Год таму яны адмовіліся падпісаць адзін з праўладных лістоў, а таксама не захацелі ўступаць у прафсаюз. Крыніцы Zerkalo.io паведамляюць, што гэтым лічбам можна давяраць. Самі яны гавораць аб звальненні, як мінімум, дзясятка выкладчыкаў.
Некаторым іншым супрацоўнікам ужо паведамілі, што ў будучыні ім не будуць працягнутыя кантракты. Таму агучаная лічба ў 25 чалавек, хутчэй за ўсё адлюстроўвае маштаб таго, што адбываецца.
Сярод звольненых - прарэктар па вучэбнай працы Алена Бохан. На сайце навучальнай установы графа з прозвішчам насупраць яе пасады пустая.
Восенню 2020 года з Акадэміі мастацтваў актыўна адлічвалі студэнтаў. Алена Бохан не стала падпісваць адпаведны загад, а таксама ў ліку іншых супрацоўнікаў запатрабавала аднавіць іх у Акадэміі.
вх