Беларускія дыяспары працягваюць работу ў галіне эканамічнага націску і лабіруюць заходні бізнес наконт захавання прымяняльных этычных норм з прычыны парушэнняў правоў рабочых у іх партнёраў у Беларусі.
Пасля некалькіх месяцаў кантактаў і расследавання сітуацыі з правамі працоўных на Беларускім Металургічным Заводзе (БМЗ), 23 снежня 2021 года вядучы сусветны вытворца шын Pirelli Group пацвердзіў Прафесійнаму Саюзу Беларусаў Вялікабрытаніі (PUBB), што Pirelli Group “вырашыў спыніць камерцыйныя адносіны з БМЗ”.
Pirelli вырабляе шыны, сярод іншага, для гонак Формулы-1 і згадваецца сярод асноўных кліентаў аўстрыйскай даччынай кампаніі BMZ, Belmet GmbH.
@stopbotluka атрымалі адказ на ліст міжнароднай фармацэўтычнай кампаніі Sandoz, у якім гаворыцца, што кампанія спыняе закуп рэкламы на беларускай дзяржаўнай тэлевізіі з 2022 года.