У Беларусі больш за год дзейнічае забарона на выезд з краіны наземным шляхам без важных прычынаў. Нягледзячы на заявы Міністэрства аховы здароўя пра «адступленне кавіднай хвалі», абмежаванні выезду адмяняць не збіраюцца.
Журналіст Zerkalo.io звярнуўся ў Міністэрства аховы здароўя з просьбаю патлумачыць, ці плануецца зняць бар’еры для тых, хто хоча выехаць з Беларусі праз наземную мяжу.
У ведамстве адказалі, што забарона на выезд з краіны наземным транспартам дзейнічае ў сувязі з пастановай Савету Міністраў № 624 «Аб мерах для перадухілення распаўсюду інфекцыйнага захворвання». Рашэнне прымалі з улікам рэкамендацыяў Сусветнай арганізацыі аховы здароўя і «міжнароднага досведу».
Разглядаць пытанне аб зняцці або змякчэнні абмежаванняў цяпер не плануюць.
нг