11 студзеня выйшаў на волю беларускі палітвязень Васіль Пілец. Як паведамляюць праваабаронцы, ён цалкам адбыў пакаранне.
У лютым 2021 года гродзенец быў асуджаны на адзін год «хіміі» (спярша яму прысудзілі «хатнюю хімію», але потым вынеслі больш жорсткі прысуд). Яго прызналі вінаватым у «хуліганстве». Па версіі следства, мужчына ў снежні 2020 года перашкаджаў двум прыхільнікам Аляксандра Лукашэнкі зафарбоўваць бел-чырвона-белы сцяг, намаляваны на асфальце. Пілец сваю віну не прызнаў.
Васіль Пілец адбываў «хімію» ў Ваўкавыску, паведамляе «Еўрарадыё».
вс