«У аднабаковым парадку ўвесці санкцыі супраць дзяржаўнага эканамічнага сектара ўрад не мае права. Такія дзеянні павінны быць узгоднены з Еўракамісіяй», — адзначыла яна.
Паводле слоў кіраўніцы ўрада, ідзе падрыхтоўка неабходных прававых рашэнняў і ўзгадненне з Бруселем. «Кансультуемся з Еўракамісіяй, каб было рашэнне, якое прадугледжвае магчымасць абмеркавання пытання», — сказала Шыманіце.
Нягледзячы на ўведзеныя 8 снежня Вашынгтонам санкцыі супраць ААТ «Беларуськалій», транзіт яго прадукцыі праз Літву спынены не быў. Як растлумачылі ў дзяржкампаніі «Летувас гележынкеляй» («Чыгункі Літвы»), прадпрыемства атрымала ад беларускіх заказчыкаў аванс у выглядзе перадаплаты за транзіт, таму ў аднабаковым парадку спыніць перавозку ўгнаенняў у Клайпедскі марскі порт не можа.
Гэта амаль выклікала ў Літве палітычны крызіс: кіраўнік МЗС і міністр транспарту падалі ў адстаўку, але яна не была прынятая.
21 снежня каардынацыйная камісія вырашыла, што пагадненне «Летувас гележынкеляй» з ААТ «Беларуськалій» не адпавядае інтарэсам нацыянальнай бяспекі. Дагавор паміж бакамі падпісаны ў 2018 годзе і сапраўдны да 2023 года. Ён прадугледжвае чыгуначны транзіт праз Літву і пагрузку ў Клайпедскім порце 11 млн тон беларускіх угнаенняў за год.
«Новы Час» / вх