Міністр замежных спраў Беларусі Уладзімір Макей сустрэўся з апостальскім нунцыем, арцыбіскупам Антэ Ёзічам, паведамляе беларускае знешнепалітычнае ведамства.
Асноўнымі тэмамі гутаркі сталі 30-годдзе з дня ўстанаўлення дыпламатычных адносін паміж Рэспублікай Беларусь і Святым Пасадам, узаемадзеянне Ватыкана і Мінска, а таксама актуальная сітуацыя з Рымска-каталіцкай царквой у Рэспубліцы Беларусь, гаворыцца ў паведамленні МЗС.
У ходзе сустрэчы бакі пацвердзілі імкненне да ўмацавання міжканфесійнага дыялогу, актывізацыі супрацоўніцтва ў розных сферах для дасягнення далейшай станоўчай дынамікі ўзаемадзеяння.
вх