Зборныя Беларусі і Расіі не дапусьцілі да кваліфікацыі Еўрабаскету-2025
Выканаўчы камітэт еўрапейскага аддзялення Міжнароднай федэрацыі баскетболу (ФІБА-Еўропа) аднагалосна вырашыў не дапускаць мужчынскія зборныя Беларусі і Расіі да кваліфікацыі Еўрабаскету-2025, якая пройдзе сёлета ў ліпені — жніўні, - паведамляецца на сайце Радыё Свабода. Пра гэта арганізацыя паведаміла ў лісце ў адрас Федэрацыі баскетболу Украіны.
Гэта працяг санкцый супраць беларускага баскетболу. Раней мужчынскую і жаночую нацыянальныя зборныя адхілілі ад удзелу ў адборачных матчах мужчынскага і жаночага чэмпіянатаў свету, а клубы выключылі з еўракубкаў.
яс