Некалькі тыдняў таму з'явілася інфармацыя, што турэцкая кампанія Southwind Airlines будзе ажыццяўляць палёты з Турцыі ў Мінск.
Авіякампанія Southwind Airlines базуецца ў Антальі. Яе стварылі неўзабаве пасля пачатку вайны ва Украіне. Аднак усе яе тры самалёты і большая частка супрацоўнікаў – з расійскай авіякампаніі Nordwind Airlines, якая базуецца ў Маскве, паведамляе «Наша Ніва».
Nordwind належыць турфірме Pegas Touristik, уладальнікі якой – расіяне з турэцкімі каранямі.
Нядаўна ў Беларусі анансавалі, што з 23 снежня Southwind адкрывае прамыя рэйсы са Стамбула ў Мінск усяго за 195 еўра. Час у палёце – на дзве гадзіны меншы, чым у авіякампаніі Belavia, якая з-за санкцый не можа лятаць праз тэрыторыю краін ЕС.
Turkish Airlines раней адмяніла рэйсы ў Мінск пад ціскам Еўропы.
Паводле інфармацыі Bild, улады Польшчы лічаць новы напрамак палётаў Southwind крокам да арганізацыі «новага спланаванага наплыву ўцекачоў праз Расію і Беларусь».
Беларускія журналісты таксама адзначалі, што Southwind створаная для абыходу санкцый супраць Расіі.
У Варшаве ўпэўненыя, што Масква і Мінск актывізуюць «гібрыдную аперацыю» для пагаршэння міграцыйнага і, як следства, палітычнага крызісу ў заходніх краінах, асабліва ў Германіі.
вс