Запуск карабля «Саюз МС-25» з беларускай касманаўткай Марынай Васілеўскай да Міжнароднай касмічнай станцыі адбудзецца 21 сакавіка.
Як піша Радыё Свабода, старт ракеты «Саюз-2.1а« з караблём «Саюз МС-25« адбудзецца з 31-й пляцоўкі касмадрома Байканур.
Касманаўта-беларуса Алега Навіцкага выбралі камандзірам карабля. Разам з імі ў якасці бортінжынера адправіцца астранаўт NASA Колдвел Дайсан Трэйсі.
Марына Васілеўская, якую выбралі для палёту на МКС, з 2017 году працуе ў авіякампаніі «Белавія» бортправадніцай. Летась у снежні яна паспяхова прайшла выпрабаванні на цэнтрыфузе, дзе перанесла васьміразовую перагрузку.
Палёт будзе кароткатэрміновым, у космасе Васілеўская правядзе не больш за месяц.
яс