На рост заробкаў уладам даводзіцца ісці не толькі з ідэалагічных меркаванняў дзеля набыцця лаяльнасці, але і каб задаволіць кадравыя патрэбы кадрах ўмовах дэфіцыту працоўных рук, мяркуюць эксперты праекта «Кошт урада».
На іх думку, павышэнне заробкаў «можа абганяць рост прадукцыйнасці працы без наступстваў для макраэканамічнай стабільнасці толькі ў эфектыўных эканоміках, дзе ёсць запас рэсурсаў для забеспячэння росту дабрабыту без страты агульнай канкурэнтаздольнасці».
Сітуацыю ў Беларусі эксперты называюць супрацьлеглай, бо беларуская прадукцыя «па якасці і цане саступае вытворцам нават на расійскім рынку».
«Рэформаў не будзе, бо гэта супярэчыць уяўленням уладаў пра тое, як трэба жыць. Але без карэннай мадэрнізацыі эканоміка катастрафічна губляе эфектыўнасць», — рэзюмуюць эксперты.
Намінальная налічаная сярэдняя заработная плата работнікаў Беларусі ў сакавіку гэтага года склала 2.161,1 рубля — на 135,4 рубля больш (+6,7%), чым у лютым, вынікае з інфармацыі Нацыянальнага статыстычнага камітэта.
вх