Новым кіраўніком пасольства Германіі ў Мінску стала Андрэа Віктарын, часовая павераная ў справах Федэратыўнай Рэспублікі Германія ў Беларусі. Раней яна ўжо займала афіцыйныя пасады ў Мінску: як кіраўнік дэлегацыі Еўрасаюза (2015-2019 г.г.) і як пастаянны прадстаўнік пасольства Германіі (2000-2003 г.г.).
"Для яе як дасведчанага дыпламата Беларусь - вядомая краіна... Мы рады адзначыць, што ў асобе спадарыні Віктарын атрымалі дасведчанага дыпламата і кіраўніка, які вельмі любіць краіну Беларусь і яе народ", - адзначаюць у пасольстве.
Раней на гэтай пасадзе працаваў Міхаэль Новак. Ён быў часовым павераным пасля таго, як летам 2023 года Беларусь пакінуў пасол Манфрэд Хутэрэр, паведамляе «Еўрарадыё».
вс