Беларуская апазіцыянерка працытавала ўкраінскага прэзідэнта, які ў Мюнхене заявіў, што мяжа Еўропы — гэта ўсходняя мяжа Беларусі. «Не выключайце Беларусь, не будуйце новую жалезную заслону паміж Еўропай і маёй краінай. Дапамажыце мне вярнуць Беларусь у яе сапраўдную сям'ю еўрапейскіх краін. Тады я буду шчаслівая і мой народ будзе шчаслівы», — сказала Святлана Ціханоўская. Яна таксама звярнулася да жыхароў дэмакратычных краін цаніць тое, што яны маюць. «Беларусь, якую я хачу, — гэта еўрапейская краіна без палітвязняў, без тыраніі. Дзе я змагу атрымліваць асалоду ад дэмакратыі і толькі яе ўмацоўваць», — дадала яна.
Святлана Ціханоўская сустрэлася ў Мюнхене з генералам Кітам Келагам, які ў адміністрацыі прэзідэнта Трампа прызначаны спецпасланнікам ЗША па пытаннях Украіны і Расіі. Генерал адказвае, сярод іншага, за пытанні мірных перамоў па Украіне.
Лідарка дэмакратычных сілаў адзначыла паспяховае вызваленне трох закладнікаў з турмы, у тым ліку двух палітычных зняволеных, і падзякавала адміністрацыі Трампа за падтрымку і каардынацыю ў гэтым пытанні.
Падчас сустрэчы абмяркоўвалася магчымасць прызначэння спецпасланніка па Беларусі, а таксама важнасць уключэння беларускага пытання ў перамовы па Украіне.
Офіс С. Ціханоўскай/iar
нг