Згадванне Беларусі ў справаздачы Інстытут вывучэння вайны (ISW) з'явілася пасля паведамленняў аб кантактах афіцыйнага Мінска і Вашынгтона, у прыватнасці, размова пра візіт у Мінск намесніка памочніка дзяржсакратара ЗША Крыстафера Сміта. Таксама згадваецца пулікацыя ў The New York Times наконт таго, што ЗША разглядаюць двухбаковае пагадненне, паводле якога Лукашэнка вызваліць пэўную колькасць палітычных зняволеных у абмен на змякчэнне санкцый ЗША ў дачыненні да беларускіх банкаў і экспарту калію.
Эксперты ISW заяўляюць, што любое змякчэнне санкцый у дачыненні да Беларусі будзе спрыяльна адбівацца на расійскай эканоміцы, паколькі Расія патраціла дзесяцігоддзі на інтэграцыю Беларусі ў расійскую эканоміку ў рамках праекта Саюзнай дзяржавы.
«Беларусь з'яўляецца ключавым інструментам для Расіі ў яе схеме ўхілення ад санкцый, і расійская і беларуская эканомікі інтэграваныя да такой ступені, што ваенныя намаганні Расіі непасрэдна выйграюць ад змякчэння санкцый ЗША ў дачыненні да Беларусі», пішуць аўтары справаздачы.
вх