У Беларусі ўжо пяты год працягваюцца шырокамаштабныя рэпрэсіі. Некаторых нязгодных з палітыкай рэжыму Лукашэнкі судзяць у крымінальным парадку як «асобаў, якія здзейснілі грамадзка-небяспечнае дзеянне». Паводле падлікаў ПЦ «Вясна», да прымусовага лячэння ў псіхіятрычным стацыянары з палітычных матываў за гэты час накіравалі сама меней 33 чалавекі.
Сярод 33 чалавек, накіраваных на прымусовае лячэнне паводле палітычных артыкулаў, пра якіх вядома праваабаронцам, 8 з іх ужо вызваленыя. Цяпер прымусовае лячэнне ў Беларусі праходзяць сама меней 23 чалавекі, прызнаныя палітзняволенымі.
Самая вядомая з іх — Марыя Успенская, жонка забітага кадэбістам тры гады таму Андрэя Зельцара.
Паводле праваабаронцаў, у большасці выпадкаў прызначэнне прымусовага лячэння ў псіхіятрычным стацыянары было завязанае з рэалізацыяй свабоды выказвання думак, інакш кажучы, за каментарыі.
svaboda.org/эж