Апошнімі тыднямі беларускія сілавікі ўзмацнілі ціск на журналістаў унутры краіны і на родных прадстаўнікоў медыяў, якія вымушана працуюць за мяжой. Беларуская асацыяцыя журналістаў (БАЖ) фіксуе новую хвалю такіх рэпрэсіяў.
Паводле Беларускай асацыяцыі журналістаў, у большасці выпадкаў сілавікі прыходзілі па месцы рэгістрацыі недзяржаўных журналістаў, якія цяпер вымушана працуюць за межамі Беларусі. У некаторых выпадках візіты сілавікоў суправаджаліся аглядам памяшкання ў сувязі з распачатай супраць журналіста ці журналісткі крымінальнай справай.
У БАЖ адзначаюць, што першая хваля такога ціску на родных пракацілася ўлетку 2024 года.
Паводле падлікаў арганізацыі, ў лукашэнкаўскіх засценках знаходзіцца каля 40 супрацоўнікаў незалежны СМІ.
эж