На бурыльнай устаноўцы кампаніі «Беларуснафта» ў Сібіры адбыўся пажар — пацярпелі тры чалавекі, свідравальная вышка абвалілася, паведамляе гомельскае незалежнае выданне «Флагшток».
Паводле інфармацыі свідравальнай кампаніі ТАА «НУБК», надзвычайнае здарэнне адбылося а 23:25 па мясцовым часе. Пра цяжар траўмаў пацярпелых і іх імёны пакуль не паведамляецца. Прычынай інцыдэнту стала ўзгаранне газу, што паступаў праз свідравіну. «Беларуснафта» здарэнне не пракаментавала.
Кошт свідравальнай вышкі можа дасягаць да 30 млн долараў.
эж