Апошнія месяцы ў Беларусі працягваюцца затрыманні ў межах крымінальнай справы за перадачу інфармацыі «Беларускаму Гаюну», піша Праваабарончы цэнтр «Вясна».
Як паведамлялі былыя вязні Акрэсціна, затрыманні адбываюцца ў межах арт. 361-4 Крымінальнага кодэкса (садзейнічанне экстрэмісцкай дзейнасці). Большасць затрыманых — мужчыны.
Праваабаронцам вядома пра як мінімум 15 фігурантаў «справы Гаюна», што былі затрыманыя па крымінальных справах.
У лютым 2025 года стала вядома пра тое, што невядомыя атрымалі доступ да чату маніторынгавага праекта «Беларускі Гаюн». Пасля гэтага праект спыніў працу, а праваабаронцы паведамлялі пра некалькі затрыманняў.
эж