Кіраўнік абароннага ведамства Беларусі заявіў, што ваенныя вучэнні «Захад-2025» не нацэленыя супраць каго-небудзь, а перанос яго асноўных манеўраў углыб тэрыторыі Рэспублікі Беларусь ад заходніх межаў сведчыць аб гатоўнасці да дыялогу і зніжэння напружанасці ў рэгіёне, — паведамляе «Наша Ніва».
«Нягледзячы на тое, што ніякія крокі па вяртанні да выканання шэрагу ключавых дамоўленасцяў у сферы кантролю над узбраеннямі ў дачыненні да Рэспублікі Беларусь так і не былі зробленыя, мы прынялі рашэнне аб зніжэнні параметраў вучэння «Захад-2025» і пераносе яго асноўных манеўраў углыб тэрыторыі Рэспублікі Беларусь ад заходніх межаў», — цытуе тэлеграм-канал Мінабароны Беларусі словы Віктара Хрэніна.
«Тым самым мы ў чарговы раз не толькі словам, але і справай пацвярджаем сваю гатоўнасць да дыялогу, кампрамісаў і зніжэння напружанасці», — сказаў міністр абароны і дадаў, што гэта робіцца, «не спадзеючыся на канструктыўную рэакцыю ў адказ».
«Робім у большай ступені для дэманстрацыі нашым саюзнікам і партнёрам па ўсім свеце праўдзіва міралюбнай пазіцыі Рэспублікі Беларусь», — сказаў міністр абароны.
эж