Сілавікі прыйшлі з ператрусамі ў рэгіянальныя СМІ: «Вячэрні Бабруйск», «Бабруйск Інфо», «УзГорак» і «Вольнае Глыбокае». Сюжэт пра гэта з'явіўся ўвечары на тэлеканале АНТ. Паведамляецца, што ператрусы прайшлі яшчэ ў канцы сакавіка, на пачатку красавіка, інфармуе «Еўрарадыё».
Допыты рэдактараў рэгіянальных медыя паказалі ў тэлесюжэце.
Прапагандыст Ігар Тур паведаміў, быццам выданні вінаватыя ў тым, што атрымлівалі грошы ад нямецкага пасольства «за артыкулы рэкламнага характару, якія праслаўляюць нібыта цудоўную Германію».
Сцвярджаецца, што дыппрадстаўніцтва Германіі з 2020 года выдаткавала на гэтыя мэты каля 226 тыс. долараў.
Таксама Тур заявіў, што пры ператрусе ў кватэры галоўнага рэдактара «Вячэрняга Бабруйска» Валянціна Сысоя знайшлі «пнеўматычную вінтоўку і пісталет, імітацыйную гранату, візітоўкі ўсякіх немцаў».
вс