За месяц праваабаронцы зафіксавалі траўні больш за 80 выпадкаў палітычна матываваных рэпрэсій (затрыманні, ператрусы і г.д.), 28 чалавек былі прызнаныя палітвязнямі.
«Нягледзячы на тое, што частку палітвязняў вызвалілі з турмаў пасля адбыцця пакарання і па памілаванні, іх колькасць застаецца крытычна высокай: на канец траўня 2025 года ў турмах Беларусі знаходзілася 1185 палітвязняў (з іх 159 жанчын)», — гаворыцца ў справаздачы.
Агулам з 2020 года мінімум 8 308 чалавек сутыкнуліся з крымінальным пераследам па палітычных матывах. У дачыненні да не менш за 6 990 чалавек былі вынесеныя палітычна матываваныя прысуды. Дадзеныя паказчыкі працягваюць павялічвацца кожны месяц.
Апроч гэтага ў траўні стала вядома пра смерці трох палітвязняў, якія выйшлі на волю. Размова ідзе пра Ганну Кандраценку, Тамару Каравай і Валерыя Багдана. 21 траўня стала вядома пра смерць Валянціна Штэрмера - гэта ўжо восьмая з 2020 года смерць палітвязня ў няволі.
Праваабаронцы звязваюць смерці палітвязняў у тым ліку з умовамі ўтрымання ў калоніях, недахопамі ў аказанні медыцынскай дапамогі, абмежаваннямі ў харчаванні і прыцягненнем да цяжкай працы.
У мінулым месяцы адбылося памілаванне 42 палітвязняў. Агульная колькасць вызваленых у такім парадку з ліпеня 2024 года перавысіла 300 чалавек.
вх