Кліенты трох беларускіх банкаў пабачылі мінус на рахунках. Тэхнічны збой

Прадстаўнікі банкаў запэўніваюць, што сродкі кліентаў у бяспецы і праблема носіць тэхнічны характар.

У «Беларусбанку», «Белаграпрамбанку» і «Белінвэстбанку» адбыўся тэхнічны збой

Shutterstock/ fizkes

9 ліпеня ў «Беларусбанку», «Белаграпрамбанку» і «Белінвэстбанку» адбыўся тэхнічны збой, у выніку якога ў некаторых кліентаў з картак часова зьніклі грошы або з’явіліся адмоўныя балянсы.

У «Беларусбанку» патлумачылі, што праблема звязаная з няспраўнасцямі ў ААТ «Банкаўскі працэсінгавы цэнтр», дзе адбыліся збоі пры фармаванні разліковай інфармацыі. У цэнтры пацвердзілі, што цяпер вядуцца рамонтныя работы, і выказалі надзею, што да 14:00 9 ліпеня балянсы на картках будуць адноўленыя.

Прадстаўнікі банкаў запэўніваюць, што сродкі кліентаў у бяспецы і праблема носіць тэхнічны характар.

svaboda.org/эж