Беларуская Служба

Святлана Ціханоўская: Ніхто за нас перамены ў Беларусі не зробіць

10.08.2025 10:14
У Варшаве працягваецца канферэнцыя «Новая Беларусь 2025».
 ,     ,   ,
Святлана Ціханоўская, старшыня Аб'яднанага пераходнага ўрада Беларусі, падчас Маршу Свабоды, арганізаванага беларуская апазіцыяй на плошчы Юзэфа Пілсудскага ў ВаршавеPAP/Piotr Nowak

Прадстаўнікі дэмакратычных сілаў, грамадзянскай супольнасці, дыяспары, а таксама эксперты, журналісты і актывісты з усяго свету працягваюць працу ў Варшаве. Яны падсумоўваюць вынікі пяці гадоў барацьбы з рэжымам Лукашэнкі, шукаюць практычныя вырашэнні праблем і адказваюць на самыя вострыя пытанні, што накапіліся за гэты час.

Падчас другога дня канферэнцыя запланаваныя прэзентацыі найлепшых практык і інавацый, што павышаюць узровень бяспекі людзей і ствараюць умовы для салідарнасці; прэзентацыя новых структур дэмакратычных сілаў; панэльныя дыскусіі ды падсумаванне вынікаў.

На партале Youtube  даступны Жывы эфір з другога дня ключавой грамадска-палітычнай падзеі года для беларусаў!

Выступаючы на канферэнцыі Святлана Ціханоўская заклікала беларусаў дзейнічаць па-новаму, захаваць адзінства і энергію 2020 года, а таксама быць гатовымі скарыстаць кожны шанец для пераменаў у Беларусі.

— Новая рэальнасць прымушае нас думаць па-іншаму. І дзейнічаць па-новаму. Бо ніхто за нас перамены ў Беларусі не зробіць.

Лідарка беларускіх дэмакратычных сіл заклікала беларусаў быць гатовымі да адкрыцця новага акна магчымасцяў і захоўваць адзінства для свабоднай і незалежнай Беларусі.

юл