Парыж апублікаваў заяву пасля ізраільскага нападу, у выніку якога загінулі шэсць журналістаў. Міністэрства замежных спраў Францыі падкрэсліла, што рэпарцёры загінулі падчас выканання сваёй працы, і нагадала, што міжнароднае гуманітарнае права забараняе напады на прадстаўнікоў прэсы.
У нядзелю (10 жніўня) у выніку нападу Ізраіля на намёт каманды «Аль-Джазіры» загінулі пяць яе журналістаў, у тым ліку 28-гадовы карэспандэнт Анас аль-Шарыф, а таксама незалежны рэпарцёр. Ізраіль заявіў, што напаў на Шарыфа, бо лічыў яго «тэрарыстам, звязаным з ХАМАС».
Французскія дыпламаты дадаюць, што журналісты ніколі не павінны станавіцца мішэнню.
Паводле звестак арганізацыі «Рэпарцёры без межаў», з пачатку вайны ў Газе было забіта амаль 200 журналістаў. Міжнародныя агенцтвы, у тым ліку AFP, AP, Reuters і BBC, заклікаюць Ізраіль забяспечыць свабоду прэсы на палестынскіх тэрыторыях.
IA/вх