Прыпыненне рэйсаў будзе дзейнічаць «да атрымання неабходных дазвольных дакументаў». Адмяняюцца аўтобусы адпраўленнем з Мінска ў 1.50, 10.20, 12.00, а таксама з Вільнюса ў 8.00, 17.30, 18.00 - паведамляе Zerkalo.io.
Раней пра адмену большасці рэйсаў паміж Мінскам і Вільнюсам паведаміў літоўскі перавозчык Eurolines. Папярэдне аўтобусы адмянілі да 18 жніўня. Гаворка ідзе пра рэйсы адпраўленнем з Вільнюса ў 5.30, 6.00, 7.20, 10.30, 11.30, 12.30, 13.30, 14.30, 15.00 і 21.30. З Мінска адмененыя рэйсы ў 5.30, 6.00, 6.30, 12.40, 13.00, 13.50, 17.00, 18.00, 19.00 і 20.40.
З 12 жніўня дазвол маюць толькі па тры рэйсы Eurolines з Вільнюса і Мінска:
Выезд з Вільнюса: 6.40 9.00, 13.00.
Выезд з Мінска: 14.20, 16,00, 20.00.
Нагадаем, у пачатку 2024 года літоўскі ўрад вырашыў скараціць колькасць аўтобусных рэйсаў паміж Літвой і Беларуссю напалову. Калі раней дзейнічала 58 дазволаў для аўтобусных перавозчыкаў, то да жніўня іх засталося 33, а да пачатку 2025 года – толькі 29. Гэта вызначаны ўрадам максімум. Дазволы даюцца паводле прынцыпу парытэту: калі літоўскі перавозчык хоча атрымаць дазвол на перавозку ў Беларусь, яму трэба знайсці беларускага перавозчыка. Гэтыя дзве фірмы атрымліваюць адзін дазвол.
нг