Прэзідэнт ЗША Дональд Трамп пацвердзіў факт тэлефоннай размовы з Аляксандрам Лукашэнкам, падчас якой дзякаваў яму за вызваленне 16 зняволеных і закрануў магчымасць вызвалення яшчэ каля 1300 чалавек. Пра гэта Трамп паведаміў у сацсетцы Truth Social.
«У мяне адбылася выдатная размова з паважаным прэзідэнтам Беларусі Аляксандрам Лукашэнкам. Мы абмяркоўваем пытанне аб вызваленні яшчэ 1300 зняволеных. Размова была вельмі добрай. Мы закранулі шмат тэм, у тым ліку візіт прэзідэнта Пуціна на Аляску. Чакаю сустрэчы з Лукашэнкам у будучыні», — напісаў амерыканскі лідар.
Размова адбылася на фоне падрыхтоўкі да сустрэчы Трампа з прэзідэнтам Расіі Уладзімірам Пуціным у Анкорыджы, дзе цэнтральнай тэмай будуць перамовы па спыненні агню ва Украіне.
Офіс Святланы Ціханоўскай у адказ падзякаваў Трампу за яго намаганні па вызваленні беларускіх палітвязняў.
«Мы цяпер чакаем, што рэжым Лукашэнкі цалкам спыніць рэпрэсіі і вызваліць усіх нявінных людзей з турмаў — гэта першы крок да міру, свабоды і прымірэння. Пакуль гэтага не адбудзецца, змяненняў у палітыцы адносна рэжыму быць не павінна», — гаворыцца ў заяве.
эж