Пра гэта «Белсату» паведаміла ягоная жонка Яўгенія. Васіль Верамейчык быў затрыманы 13 лістапада 2024 года ў В’етнаме. На наступны ж дзень яго даставілі ў Мінск.
Верамейчык з 2022 года добраахвотнікам абараняў Украіну. Ветэран Аляксандр Клачко паведамляў, што Васіль з’ехаў з Украіны пасля смерці добраахвотніка Івана Марчука (Брэста). Пасля ён спрабаваў вярнуцца, але, як паведамляў сам Верамейчык, яму забаранілі ўезд у краіну. Паводле ягонай версіі, былое кіраўніцтва палка Каліноўскага мела з ім канфлікт і праз свае сувязі дамаглося забароны на ўезд.
Васіль Верамейчык пасля камісавання спрабаваў легалізавацца ў Літве і пасля адмовы пэўны час жыў у В'етнаме, дзе яго затрымала паліцыя і перадала ўладам Беларусі.
У Вільні ў мужчыны засталіся жонка і непаўналетняя дачка.
вх