У бліжэйшы час можа быць афіцыйна абвешчана пра вызваленне 150 беларускіх палітвязняў. Пра гэта паведамляюць крыніцы «Белсату». Пра хуткае вызваленне часткі беларускіх палітвязняў таксама паведамляюць выданні Reform і MOST.
Гаворка ідзе пра 152 чалавек. Паводле папярэдняй інфармацыі, частка вызваленых будзе вывезеная з Беларусі ў Польшчу, частка – у Літву.
Паводле інфармацыі СМІ, з пачатку тыдня ў Мінску знаходзіўся намеснік памочніка дзяржсакратара ЗША па Усходняй Еўропе Крыс Сміт. Пазней да яго далучыўся спецпасланнік прэзідэнта ЗША па Беларусі Джон Коўл. Паведамляецца, што ў чацвер Коўл сустракаўся з Аляксандрам Лукашэнкам.
Афіцыйнага пацверджання вызвалення на момант публікацыі няма.
Дарадчык Святланы Ціханоўскай Франак Вячорка заклікаў дачакацца пацверджанай інфармацыі.
«Мы будзем інфармаваць аб развіцці сітуацыі і магчымых вызваленнях, як толькі інфармацыя будзе пацверджана. Сітуацыя вельмі адчувальная, просім паставіцца з разуменнем», – падкрэсліў Вячорка.
вс