Віктар Бабарыка і Марыя Калеснікава прыехалі ў Германію, іх сустракаў кіраўнік МЗС Германіі. Ёган Вадэфуль размясціў допіс сацыяльнай сетцы X: «Ваша вызваленне пасля шматгадовай палітычнай ізаляцыі ўсяляе надзею. Ваша мужная адданасць свабодзе і дэмакратыі ў Беларусі натхняе многіх у Беларусі і далёка за яе межамі. Яна натхняе і мяне асабіста».
Былыя палітзняволеныя Віктар і Марыя падзякавалі нямецкаму боку за прыём і падтрымку ды выказалі спадзеў, што Еўропа больш актыўна далучыцца да працэсу вызвалення палітзняволеных.
14 снежня кіраўнік МУС ФРГ Аляксандэр Добрындт заявіў, што Германія прыме Калеснікаву і Бабарыку. Урад ФРГ вельмі зацікаўлены ў тым, каб беларускі дэмакратычны рух працягваў мацнець, нават калі яму даводзіцца развівацца па-за Беларуссю, растлумачыў міністр у эфіры тэлеканала ARD.
13 снежня пасля перамоваў паміж беларускім кіраўніком Аляксандрам Лукашэнкам і амерыканскай дэлегацыяй на чале са спецпасланнікам па Беларусі Джонам Коўлам улады краіны вызвалілі 123 палітвязняў. У адказ ЗША паабяцалі зняць санкцыі з беларускай калійнай прамысловасці.
вх