Як паведамляе «Гарадзенская праваабарона», улады Беларусі прадалі на аўкцыёне канфіскаваную двухпакаёвую кватэру журналіста і праваабаронцы Уладзіміра Хільмановіча, асуджанага завочна паводле палітычна матываванай справы.
Таргі адбыліся 30 чэрвеня з другой спробы. На ўдзел у аўкцыёне падалі заяўкі дзевяць чалавек. Стартавы кошт кватэры складаў 100,8 тыс. рублёў, а пасля 57 павышэнняў стаўкі яе прадалі за 136,6 тыс. рублёў.
Раней улады ўжо рэалізавалі бытавую тэхніку сям'і Хільмановіча і ягонае лецішча ў Мастоўскім раёне.
У жніўні 2024 года Гарадзенскі абласны суд завочна прысудзіў праваабаронцу пяць гадоў калоніі ўзмоцненага рэжыму і штраф 40 тыс. рублёў. Вярхоўны суд пакінуў прысуд без зменаў.
эж