Тэлеграм-канал Флагшток паведаміў пра згарэлую фуру паблізу памежнага пераходу «Чырвоны Камень» на тэрыторыі Беларусі. Інфармацыя аб здарэнні з’явілася ў інтэрнэце 11 жніўня.
На відэа зафіксаваны згарэлы паўпрычэп без цягача. Каля прычэпа знаходзяцца аўтамабілі беларускіх спецслужбаў, у тым ліку міліцэйскі УАЗ з надпісам «Добруш».
Месца здарэння, верагодна, знаходзіцца на трасе М-10 на тэрыторыі Добрушскага раёна, паміж скрыжаваннем з дарогай на Дубецкае і мостам праз р. Харапуць.
Згарэлы прычэп мог атрымаць агнявое ўздзеянне ад БПЛА яшчэ на расійскай тэрыторыі раніцай 11 жніўня. У той жа дзень некалькі грузавікоў пацярпелі ад БПЛА недалёка ад КПП «Чырвоны Камень».
Характэрна, што афіцыйнай інфармацыі аб здарэнні беларускія ўлады не паведамлялі. Папярэджанняў аб небяспецы перамяшчэння праз памежны пераход для вялікагрузнага і легкавога транспарту таксама не паступала. Цяпер пункт пропуску адкрыты.
нг