24 кастрычніка ў Варшаве адбудзецца цырымонія ўручэння прэміі імя Міхала Анемпадыстава 2026 за найлепшую кніжную вокладку, паведамляе Беларускі ПЭН і запрашае на вечар, прысвечаны беларускаму кніжнаму дызайну і тым, хто стварае візуальны вобраз беларускага кнігадруку.
У праграме, між іншым, цырымонія ўзнагароджання прэміяй Анемпадыстава, выстава кніжных вокладак з кароткага спіса прэміі і прэзентацыя выдання «Форма прысутнасці» і дыскусія «Што адрознівае добрую вокладку ад выдатнай?» разам з лаўрэатамі мінулых гадоў.
— Прыходзьце сустрэцца з беларускай кніжнай супольнасцю, пазнаёміцца з новымі людзьмі і пагаварыць пра кнігі і, магчыма, прыдумаць нешта разам!, — запрашае Беларускі ПЭН.
Мерапрыемства адбудзецца 24 кастрычніка ад 16.00 да 19.30 у «REDAKCJA BAR» на вуліцы Маршалкоўскай 21/25 у Варшаве. Уваход вольны.
аз