Больш за тысячу ўкраінцаў вярнуліся з акупаваных тэрыторый праз Беларусь

У гэтым дапамагае Міжнародны камітэт Чырвонага Крыжа, які забяспечвае машыны хуткай дапамогі для перавозкі людзей праз акупаваныя тэрыторыі, Расію і Беларусь.

Беларуска-ўкраінская мяжа

Natali Stankevich/Shutterstock

З 2025 года больш за тысячу грамадзян Украіны вярнуліся з акупаваных Расіяй тэрыторый праз беларускую мяжу. Для эвакуацыі выкарыстоўваюць гуманітарны калідор «Даманава — Макраны» паміж Валынскай вобласцю Украіны і Брэсцкай вобласцю Беларусі, паведамляе ўпаўнаважаны Вярхоўнай Рады Украіны па правах чалавека Дмытро Лубінец.

Паводле Лубінца, канал вяртання ўдалося адкрыць пасля перамоў з расійскім бокам. Цяпер украінцы штодня перасякаюць мяжу праз гэты пункт пропуску.

🇺🇦With the assistance of the Ombudsman’s Office, 41 Ukrainians returned from the temporarily occupied territories through Volyn in August–September, including 4 children and 5 teenagers. Some had been detained, held in basements, deprived of Ukrainian documents or subjected to forced “medical treatment”. Others remain trapped under occupation, including elderly people and people with disabilities without reliable access to food, water, medicine and communication. We continue working to bring them home.

— Dmytro Lubinets (@lubinetzs) October 2, 2026

Асаблівую ўвагу надаюць эвакуацыі людзей з інваліднасцю, абмежаванай рухомасцю і цяжкімі захворваннямі. У гэтым дапамагае Міжнародны камітэт Чырвонага Крыжа, які забяспечвае машыны хуткай дапамогі для перавозкі людзей праз акупаваныя тэрыторыі, Расію і Беларусь.

Беларускі маршрут выкарыстоўваюць не толькі для вяртання грамадзянскіх асоб. Праз Беларусь таксама праходзяць абмены ваеннапалоннымі і перадача целаў загінулых вайскоўцаў. Гэты шлях застаецца важным гуманітарным каналам паміж Украінай і акупаванымі тэрыторыямі ва ўмовах вайны.

эж