Пасольства Швецыі ў Беларусі 21 верасня правядзе дабрачынную акцыю па распродажы рэчаў, паведамляе партал naviny.by.
Мерапрыемства пройдзе ва ўнутраным дворыку пасольства па вуліцы Рэвалюцыйнай, 15 з 12:00 да 19:00. Уваход свабодны.
У Швецыі гаражныя распродажы і блышыныя рынкі называюцца «лопіс» – ад слова loppa, што азначае «блыха».
Да ўдзелу ў акцыі пасольства Швецыі запрасіла сваіх калегаў з дыпмісій іншых краін, а таксама прадстаўнікоў бізнес-супольнасці і партнёраў.
Атрыманыя на распродажы сродкі пойдуць на дабрачынныя праекты, а нераспрададзеныя рэчы будуць перададзены тым, хто ў іх мае патрэбу.
Наведвальнікі распродажу таксама змогуць наведаць выставу, прысвечаную гісторыі шведскай моды, паглядзець паказ калекцый адзення ад студэнтаў-дызайнераў, паслухаць выступленні выкладчыкаў дызайну з БДУ і Інстытута сучасных ведаў.
Мерапрыемства арганізавана пры ўдзеле праекта KaliLaska, Беларускай палаты моды і «Зялёнай сеткі».
вс