Сусветны банк разважае над тым, каб аказаць фінансавую падтрымку малому і сярэдняму бізнесу ў Беларусі.
Пра гэта паведаміў сёння кіраўнік прадстаўніцтва Сусветнага банка ў Беларусі Алекс Крэмер у час прэзентацыі чарговага эканамічнага агляду СБ для Беларусі, перадае БЕЛТА.
Крэмер нагадаў, што на мінулым тыдні Сусветны банк зацвердзіў выдзяленне пакета фінансавай падтрымкі ў памеры 90 мільёнаў еўра для фінансавання праекта па рэагаванні на COVID-19 у Беларусі, а таксама пазыку ў памеры 100 мільёнаў еўра для падтрымкі мадэрнізацыі сістэмы вышэйшай адукацыі.
З 1992 года, калі Беларусь стала членам Сусветнага банка, краіне былі выдзелены крэдытныя рэсурсы ў памеры 1,9 мільярды долараў. Дзеючы інвестыцыйны партфель Сусветнага банка ў Беларусі ўключае дзевяць праектаў на агульную суму 942,71 мільёны долараў.
юл