Беларусь перамясцілася на другі радок у свеце па спажыванні расійскага газу. У першым квартале 2020 года Беларусь апярэдзіла Італію, саступіўшы толькі Нямеччыны, сведчаць дадзеныя справаздачы «Газпрома» за студзень-сакавік. Пра гэта паведамляе «Тэлеграф».
За першыя тры месяцы з Расіі ў Беларусь паставілі 5,17 млрд. кубаметраў газу, што амаль на 11% менш, чым было за аналагічны перыяд мінулага года.
Аднак іншыя імпарцёры скарацілі спажыванне расійскага газу яшчэ больш: Вялікабрытанія – на 55%, Германія – на 23%, Італія – на 18%, Турцыя – на 16%.
Суседняя з Беларуссю Літва дзякуючы пастаўкам звадкаванага газу зменшыла закупкі ў «Газпрома» ў больш чым восем разоў, а Украіна адмовілася ад паставак блакітнага паліва з Расіі ўвогуле, у сваю чаргу Польшча павялічыла пастаўкі на 21%.
У цэлым пастаўкі «Газпрома» ў краіны пост-СССР скараціліся амаль на 18%, у Еўропу – на 19%.
вс
на фота: галаўны офіс «Газпрома» ў Маскве