Расія разгледзіць магчымасць паўдзельнічаць у правядзенні чэмпіяната свету 2021 года замест Беларусі, калі Міжнародная федэрацыя хакея прапануе гэта. Пра гэта гаворыцца ў заяве, размешчанай на сайце Федэрацыі хакея Расіі, паведамляе "Еўрарадыё".
Што праўда, ФХР паведамляе, што прапановаў правесці ЧС-2021 у Расіі пакуль не паступала.
Хакейны чэмпіянат свету 2021 года запланавана правесці ў Мінску і Рызе. Рашэнне пра гэта было прынята ў далёкім 2017 годзе. Але ў жніўні 2020 года, пасля жорсткіх затрыманняў мірных дэманстрантаў у Беларусі, Латвія прапанавала перанесці беларускую частку турніру ў іншую краіну.
эж