Толькі за апошні дзень былі затрыманыя 4 карэспандэнты незалежных СМІ, кажа прэсавы сакратар БАЖ Барыс Гарэцкі.
- Пазаштатную фотакарэспандэнтку «Новага часу» 20-гадовую Яну Трусілу сёння асудзілі на 15 сутак арышту. Гэта ўжо другое затрыманне Яны. За выкананне журналісцкіх абавязкаў арыштавана цэлая сям'я Дабратвораў.
Яшчэ адной праявай перашкоды працы журналістаў з боку ўлады з'яўляецца блакада мабільнага інтэрнэту. У лістападзе прэса асабліва гэта адчула.
- Сумарна ў лістападзе доступу не было на працягу 29 гадзін і 20 хвілін. Сярэдні час блакіроўкі складае амаль 6 гадзін кожную нядзелю. Мабільны інтэрнэт знікае ў Мінску падчас правядзення акцый пратэсту. Яшчэ гэтым улады перашкаджаюць журналістам аператыўна перадаваць інфармацыю
Для параўнання: у кастрычніку сярэдні час блакіроўкі складаў 4 гадзіны і 50 хвілін — на гадзіну менш.
юл