У суботу вечарам жодзінская міліцыя затрымала 20 жыхароў горада. Як паведамляюць сілавікі, у прыватным сектары затрыманыя нібыта «арганізавалі несанкцыянаванае масавае мерапрыемства з выкарыстаннем пратэстнай сімволікі». Міліцыя сцвярджае, што частка затрыманых раней прыцягваліся да адміністрацыйнай адказнасці за ўдзел у акцыях пратэсту. На іх зноў склалі пратаколы.
Сілавікі праілюстравалі паведамленне аб затрыманні фотаздымкам накрытага стала і бел-чырвона-белага сцяга на падлозе.
вс