21 верасня будуць зняты ўсе абмежаванні на палёты паміж Беларуссю і Расіяй. Цяпер дэпартамент па авіяцыі Мінтранса чакае адпаведнага паведамлення ад Расавіяцыі.
У дэпартаменце па авіяцыі адзначылі, што «з вялікай удзячнасцю ўспрынялі рашэнне ўрада Расіі і глыбока перакананыя, што гэты крок акажа пазітыўны ўплыў на грамадзянскую авіяцыю дзвюх краін».
У адпаведнасці з пагадненнем аб паветраных зносінах паміж краінамі няма абмежаванняў ні па напрамках, ні па частотах (выключэнне складае маршрут Мінск — Масква, для яго прадугледжана 63 рэйса ў тыдзень для кожнага боку). Як адзначаюць у Мінтрансе, да пандэміі толькі дзве расійскія авіякампаніі («Аэрафлот» і «Ютэйр») выконвалі палёты ў Беларусь па маршруце Масква — Мінск. Цяпер у рэспубліку выконваюць палёты сем расійскіх авіякампаній па розных напрамках.
Акрамя таго, Расавіяцыя выдала расійскім авіякампаніям дазволы на выкананне палётаў па наступных напрамках: Петразаводск — Мінск, Мурманск — Мінск, Краснаярск — Мінск, Астрахань — Мінск, Казань — Мінск, Новасібірск — Мінск, Ніжні Ноўгарад — Гомель, Калінінград — Гомель, Масква — Гомель, Масква — Гродна, Калінінград — Гродна.
«Дэпартамент па авіяцыі спадзяецца, што расійскія авіякампаніі скарыстаюцца выдадзенымі ім назначэннямі і пачнуць ажыццяўленне рэйсаў у аэрапорты рэспублікі», — адзначылі ў Мінтрансе. У міністэрстве таксама звярнулі ўвагу, што пры ажыццяўленні палётаў у Расію пасажырам неабходна выконваць тыя патрабаванні, якія прад'яўляе расійскі бок, а менавіта выкарыстоўваць дадатак «Падарожнічаю без COVID-19».
вх