Праваабаронцы прызналі палітвязнямі яшчэ шэсць чалавек. Гэта Мікіта Зімін, Дзяніс Лазоўскі, Алег Буйкевіч, Алег Хічоў, Яўген Крачкоўскі і Сяргей Думава.
Такім чынам, на сёння ў Беларусі 691 чалавек мае статус палітвязня, паведамляе ПЦ "Вясна".
Праваабаронцы патрабуюць неадкладна вызваліць згаданых палітвязняў і ўсіх астатніх палітычных зняволеных, а таксама людзей, затрыманых за ўдзел у мірных сходах. Таксама яны заклікаюць спыніць палітычныя рэпрэсіі ў краіне.
Пад заявай падпісаліся праваабарончы цэнтр "Вясна", Беларускі дом правоў чалавека імя Барыса Звозскава, РПГА "Беларускі Хельсінкскі камітэт", Беларуская асацыяцыя журналістаў, Lawtrend, "Прававая ініцыятыва", Беларускі ПЭН-цэнтр.
ПЦ "Вясна"/нг