У месцах зняволення па ўсёй Беларусі па палітычных матывах цяпер утрымліваюцца сотні беларусаў і беларусак. Акрамя збіцця, катаванняў і сістэматычных парушэнняў правоў зняволеных, апошнія паўгода беларускія ўлады масава выкарыстоўваюць «прафілактычны ўлік» як дадатковы спосаб ціску на іх. Былы вязень распавёў «Вясне», як выглядае на практыцы прафілактычны ўлік для зняволеных: як абмяжоўваюць «палітычных» і якія гэта наступствы мае.
- «Схільных да захопу закладнікаў» вязняў у СІЗА ўвесь час перамяшчаюць у кайданках;
- Асуджаныя ў калоніях ходзяць наперадзе калоны, каб заўсёды знаходзіцца пад пільнай увагай адміністрацыі калоніі;
- Тройчы ў дзень асуджаным неабходна «па форме» у пэўны час падыходзіць да дзяжурнага афіцэра і адзначацца;
- Спяць вязні на ўваходзе ў пакой ці камеру каля дзвярэй і выключна на другім ярусе.
Па інфармацыі праваабаронцаў, у Беларусі ў месцах зняволення знаходзяцца 715 палітвязняў, іх колькасць працягвае павялічвацца.
ПЦ "Вясна"/нг