Жонка палітзняволенага журналіста Вольга паведаміла, што ў нядзелю пасля 6-сутачнага пакарання Дзяніса Івашына не выпусцілі з карцару. Замест гэтага палітвязня будуць там утрымліваць яшчэ 7 сутак. Вольга піша, што Дзянісу ў карцары не аддаюць выданні, на якія ён падпісаны, а таксама не перадаюць лісты.
41-гадовы журналіст быў затрыманы 12 сакавіка, прычынай стаў матэрыял пра былых супрацоўнікаў украінскага «Беркута», якія цяпер служаць у беларускіх сілавых структурах. Першапачаткова яго вінавацілі ва «умяшанні ў дзейнасць міліцыі», але 26 кастрычніка праўладныя тэлеграм-каналы паведамілі, што Івашыну перакваліфікавалі абвінавачванне.
Цяпер ён нібыта праходзіць па артыкуле «здрада дзяржаве». Пакаранне вельмі сур’ёзнае — ад 7 да 15 гадоў зняволення.
юл