Суд Баранавічаў і Баранавіцкага раёна разгледзеў крымінальную справу ў дачыненні да 54-гадовай Алы Ціхаміравай, якую абвінавачвалі па ч. 1 арт. 368 – «Абраза прэзідэнта Рэспублікі Беларусь», паведамляе Вясна.
Згодна з абвінавачваннем, 17 кастрычніка жанчына патэлефанавала з хатняга тэлефона ў «102» і нецэнзурна аблаяла Лукашэнку.
Паводле звестак, якія ёсць у следства, падобныя ўчынкі Ціхамірава здзяйсняла ўжо не аднойчы — толькі цягам гэтага года яна больш за сто разоў без патрэбы тэлефанавала ў міліцыю, чым «ускладняла працу праваахоўнікаў і замінала іншым грамадзянам да іх звяртацца».
У выніку суддзя Іна Паўлоўская прысудзіла жанчыне два гады «хіміі».
яс