Віцебскія чыноўнікі вырашылі ліквідаваць дзіцячы хоспіс. 12 студзеня абласны суд будзе разглядаць адпаведную справу, пішуць «Народныя навіны Віцебска». Пазоўнікам выступае галоўнае ўпраўленне юстыцыі Віцебскага аблвыканкама.
Дзіцячы хоспіс у Віцебску быў заснаваны ў 2000 годзе. Яго заснавала лекары Сяргей і Таццяна Лялікі, якія самі страцілі дзіця.
Дарэчы, паўгода таму дзіцячы хоспіс быў ліквідаваны і ў Гродне. Яго кіраўнік Вольга Вялічка была вымушаная з'ехаць ад палітычнага пераследу ў Польшчу.
Акрамя хоспіса, у Віцебску Галоўнае ўпраўленне юстыцыі аблвыканкама 12 студзеня хоча ліквідаваць цэлы шэраг грамадскіх арганізацый. Гэта спартовы клуб воднага пола «Віцьбіч», таварыства дружбы «Полацк-Фрыдрыхсгафен», супольнасць «Шлях з варагаў у грэкі» і дубровенскае таварыства пчаляроў-аматараў.
«Зачыстка» грамадскіх арганізацый у Беларусі цягнецца з ліпеня 2021 года, паведамляе «Еўрарадыё».
вс