Рэдактарам «Нашай Нівы» Ягору Марціновічу і Андрэю Скурко далі па два з паловай гады калоніі. Такі прысуд абвясціла суддзя Заводскага раёна Мінска Анжэла Касцюкевіч.
Андрэя Скурко і Ягора Марціновіча арыштавалі ў ліпені 2021-га.
Восем месяцаў яны правялі за кратамі па абсурдным абвінавачванні. Крымінальную справу супраць галоўнага рэдактара Ягора Марціновіча і Андрэя Скурко сілавікі завялі паводле ч. 2 арт. 216 Крымінальнага кодэкса (прычыненне маёмаснай шкоды без прыкмет крадзяжу, учыненае групай асобаў па папярэдняй змове або ў буйным памеры). Нашаніўцаў судзілі па эканамічным артыкуле за аплату камунальных паслуг па тарыфах для фізічных, а не юрыдычных асоб.
Ягор Марціновіч і Андрэй Скурко прызнаныя палітычнымі зняволенымі. Яны трапілі пад каток рэпрэсій за сваю журналісцкую дзейнасць.
Першапачаткова шкоду налічылі ў памеры 3500 рублёў. Потым гэтая сума вырасла да 10 тысяч. Абвінавачаныя пагасілі шкоду да суда, «Мінскводаканал» і «Мінскэнерга» адклікалі іскі.
яс/ паводле «Нашай Нівы»