Злучаныя Штаты адкрыты для далучэння Польшчы да праграмы сумеснага выкарыстання ядзернай зброі, і польскія F-35 могуць быць сертыфікаваны для пераноскі амерыканскіх ядзерных бомбаў B61-12, заявіў агентству PAP Уільям Альберке, эксперт і былы высокапастаўлены чыноўнік НАТА.
Падчас ліпеньскага візіту ў Вашынгтон кіраўнік Бюро нацыянальнай бяспекі Польшчы Барташ Градэцкі паведаміў, што Злучаныя Штаты «вельмі адкрытыя» для далучэння Польшчы да праграмы сумеснага выкарыстання ядзернай зброі НАТА.
Альберке, былы чыноўнік НАТА па кантролі над узбраеннямі і цяперашні эксперт Ціхаакіянскага форуму, падзяляе падобную думку. Адмысловец перакананы, што адміністрацыя Трампа адкрытая для далучэння Польшчы.
Аднак ён папярэдзіў, што, верагодна, гэта не будзе азначаць разгортванне ядзернай зброі на тэрыторыі Польшчы ў мірны час. Хутчэй за ўсё, будзе мець месца прамежкавы працэс: сертыфікацыя польскіх F-35 для пераноскі ядзернай зброі і прызначэнне некаторых польскіх баз у якасці «рассеяных аперацыйных баз» (DOB). Канцэпцыя DOB азначае, што ядзерная зброя можа быць таемна перавезена на вызначаныя базы толькі ў выпадку пагрозы вайны або падчас вайны.
РАР/юл