Кіраўніцтва БелАЭС паведаміла пра паспяховы пробны пуск турбіны другога энергаблока. Да таго ж паведамілі і пра лёс адпрацаванага паліва: першая партыя з БелАЭС для перапрацоўкі ў Расіі будзе сфармавана і адпраўлена ў 2032 годзе. Гэта кабальная залежнасць і ад паліва, і ад адпрацаванага паліва, кажа ў размове з «Радыё Рацыя» радыяцыйны хімік Сяргей Бесараб.
«У Расію яно будзе, канешне, адсылацца. Адтуль расіяне будуць даставаць патрэбныя цікавыя ім розныя ізатопы. А вяртаць нам так званыя нізкія сярэднеактыўныя адыходы, якія беларусы будуць павінны захоўваць у сябе – гэта стронцый і цэзій. Гэта кабальная залежнасць і ад паліва, і ад адпрацаванага паліва. Вельмі шмат парушэнняў. Я думаю, што калі вялізная колькасць парушэнняў была на першым энергаблоку, то можна лічыць, што нават статыстычна на другім іх будзе не менш», – лічыць эксперт.
Паводле яго, у выніку накладання санкцый, уведзеных супраць Беларусі за палітычныя рэпрэсіі і саўдзел у вайне Расіі супраць Украіны, экспарт электраэнергіі з БелАЭС, на які так разлічваў рэжым Лукашэнкі, стаў немагчымым.
аз