Пра гэта «Позірку» паведаміў яе галоўны дарадца Франак Вячорка.
Паводле яго слоў, таксама ў прамове яна «праінфармуе міністраў аб актуальным становішчы спраў у Беларусі», у тым ліку аб рэпрэсіях і сітуацыі з палітвязнямі.
Падчас візіту будзе абмеркавана праца кантактнай групы СЕ па Беларусі, у прыватнасці, у галіне падтрымкі моладзевых і праваабарончых ініцыятыў. Будзе ўздымацца пытанне «практычнай імплементацыі» дзвюх рэзалюцый па сітуацыі ў Беларусі, прынятых Парламенцкай асамблеяй Савета Еўропы (ПАСЕ), дадаў Вячорка.
Ён анансаваў таксама выступ дэмакратычнага лідара па ініцыятыве Ірландыі перад амбасадарамі СЕ.
Працу кантактнай групы Савета Еўропы з беларускімі дэмакратычнымі сіламі, падтрымку грамадзянскай супольнасці і незалежных медыя Ціханоўская і генеральны сакратар СЕ Марыя Пейчынавіч-Бурыч абмеркавалі на сустрэчы ў Страсбургу 25 студзеня. Гэта адбылося падчас сесіі ПАСЕ, на якой была прынята рэзалюцыя па сітуацыі ў Беларусі.
pozirk.online/вх