Лукашэнка паразважаў пра наступныя выбары, якія павінны адбыцца не пазней за 20 ліпеня будучага года. Ён даручыў правесці кампанію так, каб камар носа не падтачыў, піша "Наша Ніва" са спасылкай на БелТА.
«Выбары пастараемся правесці так, каб камар носа не падтачыў. Нам няма ніякай неабходнасці (як гэта было і ў мінулыя гады) ціснуць, адміністрацыйны рэсурс выкарыстоўваць. Мы сумленна і прыстойна здольныя правесці гэтыя выбары», – заявіў палітык. Лукашэнка і Карпенка абмеркавалі некаторыя дэталі ў арганізацыі будучых выбараў, уключаючы пытанні запрашэння міжнародных назіральнікаў, працы з выбаршчыкамі. Палітык папрасіў кіраўніка ЦВК «не крыўдзіць людзей».